அஹ்லுஸ் சுன்னா ஜனவரி 2018 ‘இணைய மாத இதழ்’ கண்டேன். கால மாற்றத்திற்கேற்பவும் வாசகர்களின் எண்ண ஓட்டத்திற்கேற்பவும் புதிய முயற்சியாக இந்த இதழைக் காண்கிறேன். இணைய இதழில் முஸ்லிம் சமுதாயத்திற்கான ஒரு முன்னோடியாக ஓர் ஆலிம் திகழ்வது சாலப் பொருத்தமாகும்.
இன்றைய இளைஞர்கள் நேரடியாக உள்ள மனிதர்களிடம் பேசுவதைவிட அலைபேசியில் அழைப்பவரின் பேச்சுக்கே முன்னுரிமை கொடுக்கின்றார்கள். அதுபோலவே காகித எழுத்துகளை வாசிப்பதைவிட கணினித் திரையில் காணப்படுகின்ற எழுத்துகளைத்தான் கண்கொட்டாமல் வாசிக்கின்றார்கள். அவர்களின் எண்ண ஓட்டத்திற்கேற்ப, கால மாற்றத்தை உணர்ந்து ‘இணைய இதழ்’ தொடங்கியுள்ள ஆசிரியரின் துணிவைப் பாராட்டுகிறேன்.
மேலும் ஆழமான கருத்துகளை உட்கொண்டுள்ள சிறந்த ஆக்கங்களைத் தேர்வுசெய்து வெளியிடுவது இதழுக்குப் பெருமை சேர்க்கிறது. வாசகர்களின் சிந்தனை ஓட்டத்தை மடைமாற்றிச் சீரிய கோணத்தில் சிந்திக்கத் தூண்டுகிற விதத்திலான ஆக்கங்களை வெளியிடுவதையே ஆசிரியர் தம் நோக்கமாகக் கொண்டு எழுத்துப் பணியைத் தொடர வேண்டுமாய் அன்புடன் விழைகிறேன்.
-முனைவர் மௌலவி நூ. அப்துல் ஹாதி பாகவி, இமாம் மஸ்ஜித் ஜாமிஉல் அன்வார், மணலி,சென்னை-68
==============================
கருத்துகள் இல்லை:
கருத்துரையிடுக